السبت، 1 مارس، 2008

فول و تسالي..!!!

نعترف - نحن جميع قبيلة الممكوناب- .. بإننا نحب الأفلام و السينما بصورة ما عادية ...
امبارح بالنهار شفنا فيلم هنيدي الجديد ( فول الصين العظيم )...الفيلم لذيذ و دمو خفيف و فيهو لقطات بتقطع المصارين بالضحك و فيهو لقطات تهرد المرارة من البياخة و الإفتعال.....بعد خلص الفيلم كنا مبسوطين و ضاحكين و كان سألتوني القصة شنو ما عارفة ...المعنى شنو ماعارفة . ..الفكرة شنو ما عارفة...!!
جينا بالليل حضرنا في التلفزيون فيلم إسمو ( The Devil's Advocate ) للممثل الرائع آل باتشينو....الفيلم ما بتوصف.....نوع الأفلام البتقعد الليل كله تتذكر فيهو....و النهار كلو يكون شاغل تفكيرك..... تدور قصة الفيلم حول صفة الغرور..( Vanity )...و كيف إنو الشيطان بيستغل هذه الصفة للسيطرة على الإنسان و تطويعه.....بطل الفيلم محامي مشبوه يحركه الشيطان لتبرئة اشخاص مشبوهين باللعب على الثغرات القانونية و اللعب على مشاعر هيئة المحلفين.....عندما يقرر المحامي التوبة....يحترق الشيطان لكنه يقرر الرجوع مرة اخرى في هيئة صحفي يضخم للمحامي صورته و يوعده بمقابلة تلفزيونية تعيده لبؤرة الضوء.....ليلعب الشيطان مرة أخرى لعبته في تسيير الإنسان ..عزفاً على وتر الغرور....
قصة محبوكة.....تصوير مبالغ فيهو.....حوار هادف...قضية...فكرة...هدف....
يا خوانا ده من شنو ده ؟ ممكن يكون الفيلم المصري متكلف نفس التكلفة.....لكن المشكلة شنو.؟؟؟
...قلة فهم... انعدام أفكار.....؟؟؟
و لا ....أنا فوقي الخواجة؟؟؟!!! _
________________

ليست هناك تعليقات: